స్వామివారి కైంకర్యాలకు వెండి కొమ్ము చెంబును అందజేసిన భక్తుడు ఆలయ అభివృద్ధికి భక్తులు సహకరించాలి – ధర్మకర్తల మండలి చైర్మన్ పిలుపు

ప్రకాశం జిల్లా పాత సింగరాయకొండలోని శ్రీ శ్రీ శ్రీ యోగానంద లక్ష్మి నరసింహ స్వామి ఆలయం మరియు శ్రీ శ్రీ శ్రీ వరాహ లక్ష్మి నరసింహ స్వామి దేవస్థానంలో స్వామివారి నిత్య, ప్రత్యేక కైంకర్యాల కోసం భక్తులు వెండి కొమ్ము చెంబును సమర్పించడం అభినందనీయమని ఆలయ ధర్మకర్తల మండలి చైర్మన్ సన్నెబోయిన శ్రీనివాసులు నాయుడు తెలిపారు.

తీరప్రాంత గ్రామాల ప్రజలకు భక్తుల కొంగుబంగారంగా నిలిచిన ఈ నారసింహ క్షేత్ర అభివృద్ధికి ప్రతి భక్తుడు సహకరించాలని ఆయన పిలుపునిచ్చారు.

ఆదివారం ప్రకాశం జిల్లా కందుకూరుకు చెందిన అనుమాలశెట్టి శ్రీకాంత్ – సుధారాణి కుటుంబ సభ్యులు యోగానంద లక్ష్మి నరసింహ స్వామివారి ఆలయంలో సుదర్శన హోమం నిర్వహించి అనంతరం వరాహ లక్ష్మి నరసింహ స్వామివారి ఆలయంలో వెండి కొమ్ము చెంబును సమర్పించారు.

ఈ సందర్భంగా ఆలయ ధర్మకర్తల మండలి చైర్మన్ సన్నెబోయిన శ్రీనివాసులు నాయుడు, ఆలయ కార్యనిర్వహణ అధికారి పాతకోట కృష్ణవేణి, ఆలయ అర్చకులు ఉదయగిరి శేష లక్ష్మి నరసింహాచార్యులు, ఉదయగిరి నరసింహాచార్యులు విరాళాన్ని స్వీకరించి దాత కుటుంబాన్ని అభినందించారు.

లక్ష్మీనరసింహ స్వామివారి ఆలయ అభివృద్ధి, విశేష అలంకారాలు, ఉత్సవాల నిర్వహణతో పాటు భక్తులకు అవసరమైన సౌకర్యాల కల్పనలో భక్తులు ముందుకు రావాలని, శ్రీకాంత్ కుటుంబం స్పూర్తిగా మరింత మంది విరాళాలు, సేవా సామగ్రి అందించి స్వామివారి కృపకు పాత్రులు కావాలని శ్రీనివాసులు నాయుడు కోరారు.